Author: webadmin

அண்மையில் Griffin college London international Examination bord அமைப்பினரால் பொதுவாக நடாத்தப்படும் சங்கீத மற்றும் நடன பாடங்களுக்கான லண்டன் Grade பரீட்சைக்கு எமது பிள்ளைகள் தோற்றி 15 பிள்ளைகள் Aமற்றும்B தரச் உயர்சித்தியினைப் பெற்று இல்லத்திற்கு பெருமை சேர்த்துள்ளனர். இவர்களுக்கான சான்றிதழ் வழங்கும் நிகழ்வானது கடந்த 25.05.2024 அன்று யாழ்ப்பாணம் கலாச்சார மண்டபத்தில் நடைபெற்றது அதன் பதிவுகள் சில

முகாமைக்குழுக்கூட்டம் 25.05.2024
எமது மகாதேவா சுவாமிகள் சிறுவர் இல்லத்தின் மாதாந்த முகாமைக்குழுக்கூட்டம் இல்லத்தலைவர் திரு.ச. மோகனபவன் அவர்களின் தலைமையில் 25.05.2024 மதியம் 2.30மணிக்கு சிறுவர் இல்ல விருந்தினர் மண்டபத்தில் இறைவணக்கத்துடன் ஆரம்பமாகியது
குறித்த கூட்டத்தில் எமது முகாமைக்குழு உறுப்பினர்கள் பலரும் கலந்து கொண்டிருந்ததோடு நிகழ்ச்சி நிரலின் ஒழுங்கிற்கேற்ப கூட்டம் நடைபெற்றது இல்லத்தின் செயற்பாடுகளை முன்னெடுப்பது தொடர்பாகவும் குழந்தைகளின் கல்வி நடவடிக்கைகளினை மேம்படுத்துதல் தொடர்பாகவும் முக்கியமான ஆலோசனை களுடனான தீர்மானங்களும் எடுக்கப்பட்டன அதன் பதிவுகள் சில

எமது மகாதேவா சுவாமிகள் சிறுவர் இல்லக்குழந்தைகளுக்கான வருடாந்த கல்விச் சுற்றுலாவானது இம் மாதம் 18,19ம் திகதிகளில் ஏற்பாடு செய்யப்பட்டிருந்தது. குறிப்பாக திருகோணமலை மாவட்டத்தின் முக்கியமான இடங்களான இல்மனைட் தொழிற்சாலை, லட்சுமி நாராயணன் ஆலயம்,திருக்கோணேஸ்வரம்,மாபிள் கடற்கரை , நிலாவெளி கடற்கரை,கின்னியா வெந்நீர் ஊற்று , உப்பு வெளி கடற்கரை போன்ற இடங்கள் பார்வையிடப்பட்டதோடு இக் கல்விச் சுற்றுலாவானது மாணவர்களுக்கு திருகோணமலை மாவட்டத்தின் வரலாறு மற்றும் புவியியல் பின்னணியை விளங்கி கொள்ள உதவியாக அமைந்திருந்தமை குறிப்பிட்டதக்கது . அதன் பதிவுகள் சில

எமது இல்லத்தின் ஸ்தாபகர் அமரர் உயர்திரு திருநாவுக்கரசு இராசநாயகம் ஐயா அவர்களின் ஜெனன தினத்தையிட்டு 01.05.2024 அன்று எமது ஜெயந்திநகர் இல்ல வளாகம் மற்றும் புதுமுறிப்பு இல்லங்களில் அமைக்கப்பட்டுள்ள இராசநாயகம் ஐயா அவர்களின் திருவுருவச் சிலைக்கு தலைவர், முகாமைக்குழு உறுப்பினர்கள் , பணியாளர்கள் , குழந்தைகள், பழைய மாணவர்கள் ஆகியோரால் அஞ்சலி செலுத்தப்பட்டு மலர்மாலை அணிவிக்கப்பட்டதுடன் இராசநாயகம் ஐயா அவர்களின் தன்னலமற்ற சேவைகள் நற்பணிகள் தொடர்பாகவும் பேருரைகள் நிகழ்த்தப்பட்டன.
அதனைத் தொடர்ந்து எமது இல்லத்தின் பழைய மாணவர்களான மகாதேவா விழுதுகள் அமைப்பின் ஏற்பாட்டில் புது முறிப்பு சிறுவர் இல்ல வளாகத்தில் இராசநாயகம் ஐயா அவர்களின் ஞாபகார்த்த மாபெரும் இரத்ததான முகாம் சிறப்பாக நடைபெற்றது. முதல் முறையாக ஆரம்பிக்கப்பட்ட குருதிக்கொடை முகாமில் பழைய மாணவர்கள், பணியாளர்கள், நலன்விரும்பிகள் என 60ற்கு. மேற்பட்டோர் குருதி தானம் வழங்கியிருந்தமை குறிப்பிடத்தக்கது.. இக் குருதிகள் யாழ் போதனா வைத்தியசாலை இரத்த வங்கி பொறுப்பு மருத்துவர் தலைமையிலான குழுவினரால் பெறப்பட்டது. அதன் பதிவுகள் சில

எமது மகாதேவா சுவாமிகள் சிறுவர் இல்லத்திலிருந்து 2023 ஆம் ஆண்டுக்கான க.பொ.த சாதாரண தர பரீட்சைக்கு தோற்றவுள்ள மாணவர்களுக்கான பரீட்சை அனுமதிப்பத்திரம் வழங்கும் நிகழ்வையிட்டு 01.05.2024அன்று எமது மாகாதேவா சுவாமிகள் சிறுவர் இல்ல சர்வசக்தி அம்மன் ஆலயத்தில் பொங்கள் நிகழ்வுகளுடன் பூஜை இடம்பெற்று பின்னர் குழந்தைகளுக்கான அனுமதிப்பத்திரங்கள் இல்ல தலைவர் திரு.ச.மோகனபவன் அவர்களால் வழங்கப்பட்டது. இந்நிகழ்வில் எமது இல்ல பணிப்பாளர்கள் , பணியாளர்கள் , ஆசிரியர்கள் கலந்து கொண்டு பிள்ளைகளை வாழ்த்தி ஆசி வழங்கினர். அதன் பதிவுகள் சில

எமது மகாதேவா சுவாமிகள் சிறுவர் இல்லத்தில் வளர்ந்து வரும் பிள்ளைகளுள் பங்குனி, சித்திரை மாதங்களில் பிறந்தநாள் கொண்டாடும் பிள்ளைகளின் பிறந்தநாள் நிகழ்வானது 28.04.2024 ஞாயிற்றுக்கிழமை மாலை இல்லத்தலைவர் திரு.ச மோகனபவன் அவர்களின் தலைமையில் 3.30 மணியளவில் எமது இல்ல வளாகத்தில் சிறப்பாக நடைபெற்றது
இந் நிகழ்வில் பிரதம விருந்தினராக வைத்திய கலாநிதி தர்மராயன் வினோதன் பிராந்திய சுகாதார சேவை பணிப்பாளர் கிளிநொச்சி அவர்களும் சிறப்பு விருந்தினராக வைத்திய கலாநிதி இராசரத்தினம் கனகரத்தினம் அரச கால்நடை வைத்திய அதிகாரி கிளிநொச்சி அவர்களும் இல்லத்தின் சிரேஷ்ர உப தலைவர் திரு.அ கனகரத்தினம் அவர்களும் மற்றும் முகாமைக்குழு உறுப்பினர்கள், அலுவலக பணியாளர், இல்லக்குழந்தைகளும் கலந்து சிறப்பித்தனர்.
பிறந்தநாள் கொண்டாடிய குழந்தைகளுக்கு இனிப்பூட்டி வாழ்த்தி மகிழ்வித்ததோடு பரிசில்களும் வழங்கப்பட்டன இந் நிகழ்வில் விருந்தினர் கௌரவிப்பும் இல்லக்குழந்தைகளின் கலை நிகழ்வுகளும் இடம்பெற்றது

முகாமைக்குழுக்கூட்டம் 28.04.2024
எமது மகாதேவா சுவாமிகள் சிறுவர் இல்லத்தின் மாதாந்த முகாமைக்குழுக்கூட்டம் இல்லத்தலைவர் திரு.ச. மோகனபவன் அவர்களின் தலைமையில் 28.04.2024 காலை 10.30மணிக்கு சிறுவர் இல்ல திறன் வகுப்பறை மண்டபத்தில் இறைவணக்கத்துடன் ஆரம்பமாகியது
குறித்த கூட்டத்தில் எமது முகாமைக்குழு உறுப்பினர்கள் பலரும் கலந்து கொண்டிருந்ததோடு நிகழ்ச்சி நிரலின் ஒழுங்கிற்கேற்ப கூட்டம் நடைபெற்றது இல்லத்தின் செயற்பாடுகளை முன்னெடுப்பது தொடர்பாகவும் குழந்தைகளின் கல்வி நடவடிக்கைகளினை மேம்படுத்துதல் தொடர்பாகவும் முக்கியமான ஆலோசனை களுடனான தீர்மானங்களும் எடுக்கப்பட்டன அதன் பதிவுகள் சில

எமது மகாதேவா சுவாமிகள் சிறுவர் இல்லத்தின் புதுவருட தினத்தையிட்டு கைவிஷேச சுப நேரத்தில் இல்லத்தலைவர் திரு ச. மோகனபவன் அவர்களாலும் இல்லத்தின் உபதலைவர் திரு சி யசோதரன் அவர்களாலும் இல்லக்குழந்தைகள், பணியாளர்களுக்கு கைவிஷேசம் வழங்கப்பட்டதுடன் அவர்களை வாழ்த்தி மகிழ்வித்ததோடு இந் நிகழ்வில் இல்லத்தின் ஏனைய உறுப்பினர்களுள் சிலரும் கலந்து சிறப்பித்திருந்தனர் அதன் பதிவுகள் சில.

புது வருடத்தை முன்னிட்டு எமது இல்ல பிள்ளைகளிடையே பஞ்சபுராணம் ஓதுதல் போட்டியானது முதற்கட்டமாக நேற்று நடைபெற்றதை தொடர்ந்து இறுதி போட்டியானது இன்று [07.04.2024] இல்லத்தலைவர் திரு. ச மோகனபவன் அவர்களின் தலைமையில் நடைபெற்றது அதன் பதிவுகள் சில

வருடாந்த இல்ல மெய்வல்லுனர் திறனாய்வுப் போட்டி 2024.

எமது மகாதேவா சுவாமிகள் சிறுவர் இல்லத்தில் வருடாந்த இல்ல மெய்வல்லுனர் திறனாய்வுப் போட்டி 30.03.2024 சனிக்கிழமை பி.ப 2 மணியளவில் இல்லத்தின் விளையாட்டு மைதானத்தில் இல்லத்தலைவர் திரு ச.மோகனபவன் அவர்களின் தலைமையில் ஆரம்பமாகியது. இந்நிகழ்விற்கு முதன்மை விருந்தினராக திரு த. தவச்செல்வம் முகுந்தன் பிரதேச செயலாளர் கரைச்சி அவர்களும் சிறப்பு விருந்தினர்களாக திரு.உபுல செனவிரெத்தின (சிரேஸ்ர பொலிஸ் அத்தியேட்சர், சிரேஸ்ர பொலிஸ் பிரிவு கிளிநொச்சி மாவட்டம்) அவர்களும் மேஜர் யூ.டி.எஸ்.ஆர்.உசெட்டி (இலங்கை இலகு காலாட்படை கட்டளை அதிகாரி 7இ.இ.கா. படை முகாம் கனகபுரம் கிளிநொச்சி )அவர்களும் திரு சுந்தரலிங்கம் சுகுனன் பிரபல வர்த்தகரும் உரிமையாளரும் தமிழ்மணி வாணிபம் கிளிநொச்சி மற்றும் இல்ல முகாமைக்குழு உறுப்பினர்கள் பாடசாலை அதிபர், ஆசிரியர்கள் அலுவலக உத்தியோகத்தர்கள் எமது சிறுவர் இல்ல பணியாளர்கள் பழைய மாணவர்கள் ஆகியோர் கலந்து சிறப்பித்துடன் குழந்தைகளின் விளையாட்டு நிகழ்வுகள் அனைத்தும் சிறப்புடன் நடைபெற்றன அதன் பதிவுகள் சில