Author: webadmin

இல்லத்தின் ஸ்தாபகர் அமரர் உயர் திரு. தி. இராசநாயகம் ஐயா அவர்களின் பிறந்தநாள் நிகழ்வையிட்டு அன்னாரது எண்ணுருவால் எமது குழந்தைகளின் எதிர்கால பராமரிப்பு திட்டங்களுக்காக உருவாக்கப்பட்ட திட்டங்களில் ஒன்றான எமது இல்ல கிராஞ்சி தென்னம் தோப்பிற்கு 01.05.2023 அன்று இராசநாயகம் தென்னம் தோப்பு என பெயர் சூட்டப்பட்டு அமரர் உயர் திரு. இராசநாயகம் ஐயா அவர்களின் பாரியாரினாலும் எமது இல்ல தலைவர் திரு.ச மோகனபவன் அவர்களினாலும் பெயர் பலகை திரை நீக்கம் செய்யப்பட்டது. இந் நிகழ்வில் எமது இல்ல சிரேஸ்ட உபதலைவர் திரு. அ.கனகரத்தினம் அவர்களும் சிரேஸ்ட உபதலைவர் திரு.மூ.நவரத்தினம் அவர்களும் செயலாளர் திரு கு.பகீரதன் அவர்களும் உபதலைவர் திரு.சி.யசோதரன் அவர்களும் உபசெயலாளர் திரு.கி.விக்னராஜா அவர்களும் மற்றும் முகாமைக்குழு உறுப்பினர்களும் பிரசித்திநொத்தரிசு மற்றும் பூநகரி ப.நோ.கூ சங்க தலைவர் திரு.தா.அரியரத்தினம் அவர்களும் எமது இல்ல அலுவலக உத்தியோகத்தர்கள் பணியாளர்கள் பழைய மாணவர்கள் , இல்லக்குழந்தைகள் அனைவரும் கலந்து சிறப்பித்ததுடன் ஸ்தாபகர் உயர் திரு. தி. இராசநாயகம் ஐயா அவர்களின் தன்னலமற்ற சேவைகள் நற்பணிகள் தொடர்பாகவும் விருந்தினர்களால் பேருரைகள் நிகழ்த்தப்பட்டன.

தொடர்ந்து எமது இல்ல அலுவலக வளாகம் மற்றும் புதுமுறிப்பு இல்லங்களில் அமைக்கப்பட்டுள்ள ஸ்தாபகர் உயர் திரு. தி. இராசநாயகம் ஐயா அவர்களின் திருவுருவச்சிலைகளுக்கு அஞ்சலி செலுத்தப்பட்டு மலர் மாலைகள் அணிவிக்கப்பட்டது.

நிகழ்வின் பதிவுகள் சில…..

எமது மகாதேவா சுவாமிகள் சிறுவர் இல்லத்தின் வருடாந்த இல்ல மெய்வல்லுநர் திறனாய்வுப் போட்டி 09.04.2013 ஞாயிற்றுக்கிழமை பி.ப 1.30 மணியளவில் எமது இல்லத்தின் விளையாட்டு மைதானத்தில் எமது இல்ல தலைவர் திரு ச.மோகனபவன் அவர்களின் தலைமையில் ஆரம்பமாகியது இந்நிகழ்வின் முதன்மை விருந்தினராக திரு இராஜேந்திரம் குருபரன் மாகாண ஆணையாளர் சிறுவர் நன்னடத்தை பராமரிப்புச் சேவைகள் திணைக்களம் வட மாகாணம் அவர்களும் சிறப்பு விருந்தினராக திரு அ.பங்கையற்செல்வன் முதல்வர் கிளி /வட்டக்கச்சி ஆரம்ப வித்தியாலயம் அவர்களும் கௌரவ விருந்தினர்களாக திரு பெருமாள் சந்திரகுமாரன் கிளி கட்டடப் பொருட்கள் உற்பத்தி விற்பனை நிலையம் அவர்களும் திரு பரமராசா சுபாஸ்கரன் பரமராசா பான்சி கவுஸ் அவர்களும்
மற்றும் முகமைக்குழு உறுப்பினர்கள் அலுவலக உத்தியோகத்தர்கள் எமது இல்ல பணியாளர்கள் , பழைய மாணவர்கள் ஆகியோர் கலந்து சிறப்பித்ததுடன் குழந்தைகளின் விளையாட்டு நிகழ்வுகள் அனைத்தும் சிறப்புடன் நடைபெற்றன.

நிகழ்வின் பதிவுகள் சில

எமது மகாதேவா சுவாமிகள் சிறுவர் இல்லத்தின் மாதாந்த (பெப்ரவரி 2023) முகாமைக்குழுக்கூட்டம் இல்லத் தலைவர் திரு ச.மோகனபவன் அவர்களின் தலைமையில் 06.03.2023 காலை 11 மணிக்கு சிறுவர் இல்ல விருந்தினர் மண்டபத்தில் இறை வணக்கத்துடன் ஆரம்பமாகியது.
குறித்த கூட்டத்தில் எமது முகாமைக் குழு உறுப்பினர்கள் பலரும் கலந்து கொண்டிருந்ததோடு நிகழ்ச்சி நிரலின் ஒழுங்கிற்கேற்ப்ப கூட்டம் நடைபெற்றதுடன் கலந்து கொண்ட உறுப்பினர்களின் ஆக்கபூர்வமான கருத்துக்களுடன் இல்லத்தினை சிறப்புற நடாத்திச் செல்வதற்கான முக்கிய தீர்மானங்கள் எடுக்கப்பட்டு குழந்தைகளின் கல்வி நடவடிக்கைகள் மற்றும் இல்லங்களின் செயற்பாடுகள் தொடர்பில் எடுக்கப்பட வேண்டிய முன்னேற்றகரமான திட்டங்கள், நிர்வாக செயற்பாடுகள் தொடர்பான முக்கியமான தீர்மானங்கள் என்பனவற்றினை சபை ஆராய்ந்து ஆக்கபூர்வமான ஆலோசனைகளுடன் பி.ப 2.30 மணியளவில் இனிதே நிறைவு பெற்றது.
அதன் பதிவுகள் சில…

எமது மகாதேவா சுவாமிகள் சிறுவர் இல்லத்தில் தை ,மாசி மாதங்களில் பிறந்த குழந்தைகளுக்கான பிறந்தநாள் நிகழ்வானது 26.02. 2023 அன்று எமது இல்ல தலைவர் திரு ச.மோகனபவன் அவர்களின் தலைமையில் பி.ப 3 மணிக்கு சிறுவர் இல்ல பரமலிங்கம் மண்டபத்தில் நடைபெற்றது இந்நிகழ்வில் விருந்தினர்களாக திரு.சந்திரசேகரம் ரவீந்திரதாஸ் (றோயன்) நலன் விரும்பி மகாதேவா சுவாமிகள் சிறுவர் இல்லம் அவர்களும் திரு க.வைரமுத்து உப தலைவர் மகாதேவா சுவாமிகள் சிறுவர் இல்லம் அவர்களும் திரு அ.கனகரத்தினம் சிரேஷ்ட உபதலைவர் மகாதேவாசுவாமிகள் சிறுவர் இல்லம் அவர்களும் எமது இல்லத்தின் செயலாளர் திரு.கு.பகீரதன் அவர்களும் மற்றும் முகாமைக்குழு உறுப்பினர்கள் மற்றும் அலுவலக உத்தியோகத்தர்கள் எமது இல்ல பணியாளர்கள் இல்ல குழந்தைகள் அனைவரும் கலந்து கொண்டு இந் நிகழ்வினை சிறப்பித்தனர்.

பிறந்தநாள் குழந்தைகளுக்கு பரிசில்கள் வழங்கப்பட்டன மற்றும் கலைநிகழ்வுகள் இடம் பெற்றதுடன் பாடசாலை மட்ட தேசிய ரீதியில் கராத்தே போட்டியில் ஒரு வெள்ளிப்பதக்கம் 3 வெண்கலப் பதக்கங்களை பெற்ற எமது இல்ல மாணவர்களுக்கு பரிசில்கள் வழங்கப்பட்டது. அத்துடன் தைப்பொங்கல் நிகழ்வையிட்டு எமது இல்ல குழந்தைகளிடையே நடாத்தப்பட்ட மாலை கட்டுதல், கோலம் போடுதல், நிறைகுடம் வைத்தல் போன்ற போட்டிகளில் முதல் மூன்று இடங்களைப் பெற்ற பிள்ளைகளுக்கு பரிசில்களும் வழங்கப்பட்டது.

இதன் பதிவுகள் சில

2ம் தவணை பாடசாலை விடுமுறைக்காக எமது மகாதேவாசுவாமிகள் சிறுவர் இல்லத்தின் குழந்தைகள் அனைவரையும் நெடுந்தீவுக்கு கல்விச்சுற்றுலாவாக அழைத்துச்சென்று அங்குள்ள வரலாற்று முக்கியத்துவம் வாய்ந்த இடங்களை பார்வையிட்டதுடன் நெடுந்தீவு மகாவித்தியாலயம் மற்றும் நெடுந்தீவு ரோமன் கத்தோலிக்க மகளிர் கல்லூரி மாணவர்களுடன் நட்பு ரீதியிலான பெரு விளையாட்டுப் போட்டிகளில் ஈடுபட்டு வெற்றிபெற்ற அணிகளுக்கு பரிசில்கள் வழங்கி மகிழ்விக்கப்பட்டனர்.

அதன் பதிவுகள் சில…

எமது மகாதேவா சுவாமிகள் சிறுவர் இல்லத்தின் மாதாந்த (JANUARY-2023) முகாமைக் குழுக்கூட்டம் இல்ல தலைவர் திரு.ச.மோகனபவன் அவர்களின் தலைமையில் (06.01.2023) காலை 10:30 மணிக்கு சிறுவர் இல்ல விருந்தினர் மண்டபத்தில் இறைவணக்கத்துடன் ஆரம்பமாகியது.
குறித்த கூட்டத்தில் எமது முகாமைக் குழுவைச்சேர்ந்த உறுப்பினர்கள் பலரும் கலந்து  கொண்டிருந்ததோடு நிகழ்ச்சி நிரலின் ஒழுங்கிற்கேற்ப கூட்டம் நடைபெற்றதோடு இல்லத்தின் கல்வி முன்னேற்றம் மற்றும் ஏனைய செயற்றிட்டங்கள் தொடர்பில் எடுக்கப்பட வேண்டிய நடவடிக்கைகள் சார் முக்கிய தீர்மானங்கள் எடுக்கப்பட்டு பி.ப.1 மணியளவில் கூட்டம் இனிதே நிறைவு பெற்றது. அதன் பதிவுகள் சில...

எமது மகாதேவா சுவாமிகள் சிறுவர் இல்லத்தில் தைப்பொங்கலை முன்னிட்டு இல்லக் குழந்தைகளிடையே பாரம்பரிய போட்டிகள் 06.01.2023 இன்று இடம் பெற்றது.

அதன் பதிவுகள் சில….

எமது மகாதேவா சுவாமிகள் சிறுவர் இல்லத்தின் ஒளிவிழாவானது 18.12.2022 அன்று இல்ல தலைவர் திரு.ச.மோகனபவன் அவர்களின் தலைமையில் பி.ப 3.00 மணியளவில் இறை வணக்கத்துடன் ஆரம்பமாகியது. இந்நிகழ்விற்கு விருந்தினர்களாக அருட்பணி டனிஸ்ரன் அடிகளார் OBTEC நிறுவனத்தின் இயக்குநர்  திரு கனகரத்தினம் சிரேஸ்ட உபதலைவர் மகாதேவா சுவாமிகள் சிறுவர் இல்லம் அவர்களும் திருமதி பிறேமதாஸ் நகுலாதேவி அபிவிருத்தி உத்தியோகத்தர் ஜெயந்திநகர் அவர்களும் எமது இல்லத்தின் செயலாளர் திரு கு.பகீரதன் அவர்களும் மற்றும் முகாமைக்குழு உறுப்பினர்கள், ஆசிரியர்கள், மற்றும் எம் இல்ல பணிப்பாளர்கள் பணியாளர்கள் இல்லக் குழந்தைகள் ஆகியோர் இந்நிகழ்வில் கலந்து கொண்டு நிகழ்ச்சியை சிறப்பித்தனர்.

அத்துடன் குழந்தைகளின் கலைநிகழ்வுகளும் இடம்பெற்றது.

எமது மகாதேவா சுவாமிகள் சிறுவர் இல்லத்தின் மாதாந்த (DECEMBER-2022) முகாமைக் குழுக்கூட்டம் தலைவர் திரு.ச.மோகனபவன் அவர்களின் தலைமையில் (07.12.2022) காலை 10:00 மணிக்கு சிறுவர் இல்ல விருந்தினர் மண்டபத்தில் இறைவணக்கத்துடன் ஆரம்பமாகியது.
குறித்த கூட்டத்தில் எமது முகாமைக் குழுவைச்சேர்ந்த உறுப்பினர்கள் பலரும் கலந்து  கொண்டிருந்ததோடு நிகழ்ச்சி நிரலின் ஒழுங்கிற்கேற்ப இல்லத்தின் அபிவிருத்திகள், குழந்தைகளின் கல்வி நடவடிக்கைகள் தொடர்பில் மேற்கொள்ளப்படவேண்டிய செயற்திட்டங்கள் மற்றும் கா.பொ.சா.தரத்தில் 95% வீதம் குழந்தைகள் சித்தி பெற்றுள்ளமையினை பாராட்டியும் அவசியமான தீர்மாணங்கள் சபையின் அனுமதிகளுடன் எடுக்கப்பட்டது கூட்டம் மதியம் 1மணியளவில் நிறைவு பெற்றது.
அதன் பதிவுகள் சில