Author: webadmin

2021 க.பொ.த (சா/த) பரீட்சைப் பெறுபேறுகளில் எமது இல்லப் பிள்ளைகள் சாதனை. பரீட்சைக்குத் தோற்றிய 31 பிள்ளைகளில் 28 பிள்ளைகள் நேரடியாகவே க.பொ.த(உ/ த) கற்பதற்குத் தகுதி பெற்றுள்ளனர்.

மகாதேவா சுவாமிகள் சிறுவர் இல்லத்தில் வளர்ந்து தொடர்ந்து இல்லத்தில் வசித்துவந்த பிள்ளை செல்வி யோ.றயனி அவர்களுக்கும் திரு பாஸ்கரலிங்கம் அவர்களுக்கும் பெரியோர்களால் நிச்சயிக்கப்பட்ட வகையில் எமது இல்ல தலைவர் திரு ச. மோகனபவன் அவர்களின் தலைமையில் சிறுவர் இல்லத்தில் இந்து தமிழ் முறைப்படி 20.11.2022 அன்று திருமண வைபவம் இடம்பெற்றது.

எமது இல்ல பிள்ளையின் திருமண வைபவத்திற்காக அன்புள்ளங்கள் அனைவரையும் அன்புடன் அழைக்கின்றோம்.

2022 இற்கான பாடசாலைகளுக்கிடையிலான தேசியமட்ட கராத்தேபோட்டி November மாதம் 4,5,6 ஆகிய திகதிகளில் கண்டி மாநகர உள்ளக விளையாட்டு அரங்கில் நடைபெற்றது. இப்போட்டியில் வடமாகாண கராத்தே வீரர்கள் 07 பதக்கங்கள் பெற்று சாதனை படைத்துள்ளனர். இதில் எமது இல்லத்தை சேர்ந்த வீரர்கள் (1வெள்ளிப்பதக்கம், 3 வெண்கலப்பதக்கம்) பெற்று சாதனை படைத்துள்ளனர்.

எமது மகாதேவா சுவாமிகள் சிறுவர் இல்லத்தின் நிறுவுனரும் தந்தையும் ஆகிய அமரர் இமயம் உயர்திரு திருநாவுக்கரசு இராசநாயகம் ஐயா அவர்களின் 5ம் ஆண்டு நினைவஞ்சலி 02.11.2022 அன்று மாலை 3.30 இற்கு எமது இல்லத்தில் சிரேஸ்ட உபதலைவர் திரு கனகரத்தினம் ஐயா அவர்களின் தலைமையில் இடம்பெற்றது.

இந் நிகழ்வில் எம் இல்ல முகாமைக்குழு உறுப்பினர்கள் பணிப்பாளர்கள் இல்ல பணியாளர்கள் முகாமையாளர்கள் மற்றும் இல்ல குழந்தைகள் கலந்து கொண்டு திருவுருவச்சிலைக்கு அஞ்சலி செலுத்தினர் அத்துடன் இமயம் உயர்திரு. திருநாவுக்கரசு இராசநாயகம் ஐயா ஆற்றிய நற்பணிகள் மற்றும் சாதனைகள் பற்றிய நினைவு உரை இல்லக்குழந்தைகள் மற்றும் ,பணியாளர்கள் முகாமைக்குழு உறுப்பினர்களால் ஆற்றப்பட்டது.

அதன்பதிவுகள் சில…

30.10.2022 அன்று அமரர் திரு. சத்தியமூர்த்தி அவர்களின் பிறந்தநாளை முன்னிட்டு எமது இல்லத்திற்கு 50 புங்கை மரக்கன்றுகள் வழங்கப்பட்டது அதனை எமது இல்லக் குழந்தைகளும் மற்றும் முகாமைக்குழு உறுப்பினர்கள் மற்றும் அலுவலக உத்தியோகத்தர்கள்,பணியாளர்கள் ஆகியோர் எமது இல்ல மைதானத்தை சுற்றி மரக்கன்றினை நாட்டினர்.

அதன் பதிவுகள் சில..

எமது மகாதேவாசுவாமிகள் சிறுவர் இல்லத்தின் ஆசிரியர்தினவிழா 08.10.2022 அன்று பி.ப 03 மணிக்கு எமது மகாதேவா சுவாமிகள் சிறுவர் இல்ல பரமலிங்கம் மண்டத்தில் இல்ல தலைவர் திரு.ச. மோகனபவன் அவர்களின் தலைமையில் இடம் பெற்றது.

இந்நிகழ்வில் விருந்தினர்களாக திரு. கந்தையா யுவராசா உதவிக்கல்வி பணிப்பாளர் , முன்பள்ளிக்கல்வி வலயக்கல்வி அலுவலகம் கிளிநொச்சி அவர்களும் , திரு. சின்னத்தம்பி இராமமூர்த்தி ஓய்வு நிலை நிர்வாக உத்தியோகத்தர் பிரதேச செயலகம் கிளிநொச்சி அவர்களும் எமது இல்லத்தின் சிரேஸ்ட உபதலைவர் திரு அ.கனகரத்தினம், திரு.யசோதரன் அவர்களும் முகாமைக்குழு உறுப்பினர்களும் , எமது இல்ல ஆசிரியர்கள் , அலுவலக உத்தியோகத்தர்கள், முகாமையாளர்கள், இல்லப்பணியாளர்கள் ஆகியோர்கள் கலந்து சிறப்பித்ததுடன் ஒவ்வொரு ஆசிரியர்களும் இல்லக் குழந்தைகளால் மலர்ச் செண்டு கொடுத்து மகிழ்வித்து குழந்தைகளின் பான்ட் வாத்திய இசையுடன் வரவேற்று அழைத்து வரப்பட்டதுடன் அலங்கரிக்கப்பட்ட பரமலிங்கம் மண்டபத்தில் குழந்தைகளின் கலை நிகழ்வுகள் நடைபெற்றதுடன் ஆசிரியர்களுக்கான கௌரவிப்பும், நினைவுப் பரிசில்களும் வழங்கப்பட்டது.

அதன் பதிவுகள்…

எமது மகாதேவா சுவாமிகள் சிறுவர் இல்லத்தின் சிறுவர் தினவிழா 01.10.2022 அன்று பி.ப 03 மணிக்கு எமது மகாதேவா சுவாமிகள் சிறுவர் இல்ல பரமலிங்கம் மண்டபத்தில் இல்ல தலைவர் திரு.ச. மோகனபவன் அவர்களின் தலமையில் இடம்பெற்றது.

இந்நிகழ்வில் விருந்தினர்களாக திரு. கௌரவ வைத்தியநாதன் தவநாதன் அவர்கள் முன்னாள் மகாணசபை உறுப்பினர் வடக்கு மாகாணம் அவர்களும் திரு.SP அமலராசா அவர்கள் உதவி திட்டமிடல் பணிப்பாளர் பிரதேச செயலகம் கரைச்சி அவர்களும் திரு.இ. ராஜன் சிறுவர் நன்னடத்தை தலமை காரியாலய சிரேஸ்ட நன்னடத்தை உத்தியோகத்தர் அவர்களும் எமது இல்லத்தின் சிரேஸ்ட உபதலைவர் திரு. சு.கனகரத்தினம் அவர்களும் இல்லத்தின் செயலாளர் திரு.கு. பகீரதன் அவர்களும் முகாமைக்குழு உறுப்பினர் திருமதி கிருபா ஜெயக்குமார் அவர்களும் கலந்து கொண்டதுடன் எமது இல்லத்தின் ஆசிரியர்கள் ,முகாமையாளர்கள் , அலுவலக உத்தியோகத்தர்கள் ஆகியோர்களும் கலந்து சிறப்பித்ததுடன் ஒவ்வொரு குழந்தைகளுக்கும் விருந்தினர்களால் மலர் செண்டு கொடுத்து மகிழ்வித்து பணியாளர்களால் வரவேற்று அழைத்துவரப்பட்டதுடன் அலங்கரிக்கப்பட்ட மண்டபத்தில் பணியாளர்களின் கலை நிகழ்வுகளும் குழந்தைகளை மகிழ்விக்கும் நோக்குடன் நிகழ்த்தப்பட்டன.